Սեպտեմբերին Հայաստանում բենզինի գները չեն փոխվել, իսկ դիզվառելիքի գինը նվազել է 1,5 տոկոսով

ԵՐԵՎԱՆ, 4 հոկտեմբերի․/ԱՌԿԱ/․ Հայաստանում բենզինի գները 2024 թվականի սեպտեմբերին, 2023 թվականի սեպտեմբերի համեմատ, մնացել են անփոփոխ, իսկ դիզվառելիքը էժանացել է 1,5 տոկոսով։ Այս մասին են վկայում Հայաստանի ազգային վիճակագրական կոմիտեի հաշվետվության տվյալները։

Ընդ որում, բենզինի գներն ընթացիկ տարվա սեպտեմբերին, օգոստոսի համեմատ, աճել են 2,5%-ով, իսկ դիզվառելիքի գները նվազել են 0,1%-ով։

Միաժամանակ, այս տարվա սեպտեմբերին, նախորդ տարվա դեկտեմբերի համեմատ, բենզինի և դիզվառելիքի գները նվազել են համապատասխանաբար 5 և 7,8%-ով։

Ընդհանուր առմամբ, վիճակագրական տվյալների համաձայն, ոչ պարենային ապրանքների շուկայում 2024 թվականի սեպտեմբերին, 2023 թվականի սեպտեմբերի համեմատ, գները նվազել են 1,7%-ով, իսկ ընթացիկ տարվա օգոստոսի համեմատ աճել են 0,5%-ով։